„Не, ние тоа никогаш не го кажавме. Никој не се трудеше да натера никого да разбере нешто. Во овој свет, на сите им е апсолутно јасно што значи кога се обидувате да се плеткате со шефот на руската држава. Така што овде нема потреба никому ништо да се објаснува“, изјави Песков на новинарите, пренесува ТАСС.
Како што соопштија од кабинетот на јужноафриканските лидери, Путин по заеднички договор нема да присуствува на самитот на БРИКС во Јужна Африка во август, а Русија ќе ја претставува министерот за надворешни работи Сергеј Лавров.
На 17 март МКС издаде налози за апсење на рускиот претседател Владимир Путин и комесарката за правата на децата на рускиот претседател Марија Лвова-Белова тврдејќи дека тие се одговорни за илегалната депортација на украинските деца.
Коментирајќи ја одлуката, портпаролот на Кремљ Дмитриј Песков истакна дека Русија не го признава Меѓународниот кривичен суд. Портпаролката на руското Министерство за надворешни работи Марија Захарова изјави дека одлуките на МКС немаат никакво значење за Русија и дека сите потенцијални налози за апсење ќе бидат правно ништовни.
