„На денот кога ја чекаме потврдата на нашите кандидатури за претседател на Република Северна Македонија, сакам да ги поканам кандидатите Стево Пендаровски, Гордана Силјановска, Арбен Таравари и Максим Димитриевски на заеднички ифтар со цел во духот на овој месец да разговараме и да се договориме за позитивна, конструктивна кампања и натпревар на идеи за да добиеме европски претседател“, објави Бујар Османи, актуелен министер за надворешни работи од редовите на ДУИ и кандидат за шеф на државата.
Забележливо е дека не ги кани Билјана Ванковска и Стевчо Јакимовски. Ванковска е кандидатка на Левица која партија ДУИ ја обвинува за рускофилска, додека Јакимовски се најде на „црната листа“ на САД па веројатно е тоа причината што Османи го „заборави“ неговото име.
