„Одамна помина времето за на решителен, неповратен начин да се тргне кон решение со две држави, врз основа на резолуциите на Обединетите нации и меѓународното право“, кажа Татиана Валоваја, генералната директорка на канцеларијата на ОН во Женева, читајќи го говорот на генералниот секретар Антонио Гутереш.
Додаде дека тоа би значело дека „Израел и Палестина живеат една со друга во мир и безбедност, со Ерусалим како главен град на двете земји“. Коментарите временски се поклопија со Меѓународниот ден на солидарноста со палестинскиот народ, кој го установи ОН, а се одбележува секоја година.
Го означува одобрувањето на Генералното собрание на Обединетите нации за планот за поделба на Палестина на арапска и еврејска држава и за меѓународно владеење со Ерусалим. Повиците на дводржавно решение пораснаа по нападот на Израел на 7 октомври во кој припадници на Хамас убија 1.200 луѓе, по што следеа израелско бомбардирање и копнена офанзива на Газа во кои израелските сили убија над 15.000 луѓе, меѓу кои голем број деца.
Договор за две држави би создал држава за Палестинците на Западниот брег и во Појасот Газа со Израел. Израел кажа дека палестинската држава мора да се демилитаризира за да не ја загрозува нејзината безбедност.
Палестинците бараат источен Ерусалим, кој ги вклучува местата во стариот град свети за христијаните, муслиманите и Евреите, да биде главен град на нивната држава. Израел тврди дека Ерусалим треба да стане негова „неделлива и вечна“ престолнина.
Ибрахим Краиши, палестинскиот амбасадор во ОН во Женева, кажа дека актуелниот конфликт послужил како повик на будење за меѓународната заедница да поддржи решение со две држави.
„Решението со две држави е тешко по (израелското) населување и намалувањето на териториите, но сепак е можно ако постои волја“, кажа тој. „Сега е моментот. И, ова е добар знак за Израел. Ако не ја прифатат идејата, ќе биде прекасно за нив, не за нас“, додека палестинскиот дипломат.
