Деталите со која брзина возел за сега не се познати, а се прават и анализи да се утврди дали возел под дејство на недозволени супстанци и алкохол. Возачот со повреди е префрлен во болница и се наоѓа на лекување.
Не се познати и детали за тоа зошто влегол во полициска станица.
Безбедносните камери поставени на мостот во близина на МАНУ кои беа објавени на социјалната мрежа X се сведок како викендов возило со неконтролирана брзина прелета преку булеварот сечејќи го сообраќајот на повеќе возила, меѓу кои и автобус, и излетува право во реката Вардар.
На видеото се гледа како возилото излегувајќи од улицата кај Народната банка и Веро џамбо, наместо да сврти кон мостот Мајка Тереза, со нереално голема брзина продлжува право, ја пробива оградата на мостот и завршува во реката Вардар.
Полицијата информираше дека возило излетало од пат, ја пробило заштитната ограда на мостот Мајка Тереза и завршило во коритото на реката Вардар во центарот на Скопје.
„Во СВР Скопје во 7:23 часот е пријавено дека патничко моторно возило киа со скопски регистарски таблички, управувано од В.К., ја пробило заштитната ограда на мостот Мајка Тереза и паднало во реката Вардар. В.К. е пренесн во ГОБ 8-ми Септември за укажување на помош“, информираше МВР во саботата.
Освен возачот други повредени учесници во сообраќајот нема, а во моментот на несреќата немало ниту пешаци кои секојдневно се движат по мостот.
Бог да чува… pic.twitter.com/V44OAAvy3I
— Блефер (@el_padrino____) August 24, 2024
