Во акцијата Охрид еко 2023 учествуваа 28 нуркачи од нуркачкиот центар Амфора, спелеонуркачкиот клуб Врело од Скопје, како и припадници на нуркачкиот тим на БСС на АРМ кои се вклучуваат во сите поголеми еколошки акции и активности што ги организира Амфора.
Од дното на Езерото се извади огромна количина на разновиден цврст отпад како што се пластични шишиња, лименки, пластики, конзерви и друго. Проектот е реализиран со подршка на Скопско АД Скопје и на ресторанот Острово Свети Наум.
„Најголемата количина на цврст отпад доаѓа преку реките кои се вливаат во езерото и носат огромни количини на отпад“, изјави раководителот на Амфора Јован Секулоски, интернационален инструктор тренер.
Нивниот предлог за поставување на мини брани со кои ќе се намали цврстиот отпад во езерото не се реализира веќе со години.
