Од НЗПВ велат дека кривичната пријава е затоа што осомничените направиле фалсификат спроведен во Министерството за социјална политика, а реализиран во Министерството за одбрана.
„Кривичната пријава е поднесена против 17 луѓе поради злоупотреба на службената положба, злосторничко здружување, фалсификување или уништување деловни книги како и употреба на исправа со невистината содржина. Станува збор за група од осум актуелни и двајца поранешни припадници на Армијата, двајца вработени во Министерството за социјална политика, еден вработен во банка и четири цивилни лица. Дел од нив се во роднинска врска и за нив синдикатот и претходно поднесе кривични пријави. Целта на оваа група е на незаконски начин да се стекне со пари и да го уништи Независниот синдикат на професионалните војници“, тврдат од НСПВ.
