Избраниците на Клоп ќе патуваат со предност на реваншот во Лондон за две недели откако со одлично второ полувреме го совладаа Фулам со 2-1.
Вилијан ги донесе гостите во предност во 19. минута, Бразилецот одлично се снајде во противничкиот шеснаесетник и ја затресе мрежата за 0-1.
На стартот од вториот дел, Фулам имаше неколку контри и полуконтри кои не ги заврши најдобро, па Ливерпул казни.
Најпрво Џонс со доста доза на среќа изедначи на 1-1, за три минути подоцна Нуњез да му асистира на Гакпо за 2-1.
Овој меч уште еднаш покажа дека никој нема клупа како Ливерпул во Англија, резервистите допринеле за 30 погодоци (15 голови и 15 асистенции), 12 повеќе од било кој друг клуб од Премиерлигата. Најмногу од нив се дело на Дарвин Нуњез (7), ниту еден друг фудбалер нема ваков учинок.