„Регионалниот ЦУК Велес известува дека според информацијата од ТППЕ Неготино, пожарот што во текот на вчерашниот ден беше активен во месноста Гоцева шума во општина Неготино, а што во текот на ноќта беше изгасен, денеска попладне повторно е реактивиран. Била зафатена со оган борова шума. На терен веќе интервенираат пожарникарите од ТППЕ Неготино со 10 пожарникари и 5 противпожарни (ПП) возила“, информираа од ЦУК.
Оттаму уште велат дека РЦУК Куманово денеска во 16 часот известил за пожар на отворен простор во општина Липково, помеѓу селата Отља и Матејче.
„За пожарот се известени ТППЕ Куманово, ЈП ,,Национални шуми’ Куманово, лицето за контакт на општина Липково и ПО на ДЗС Куманово. Гори шума на непристапен терен. На терен се активни ТППЕ Куманово со едно ПП возило и 3 пожарникари, од ЈП се ангажирани 4 шумари“, информираа од ЦУК.
