Во нападот загинаа тројца цивили, 24-годишна жена, маж на 70-годишна возраст и една постара жена. Надлежните велат дека поради повредите во болница се пренесени уште пет лица, од кои тројца се во тешка состојба, пишува Би-би-си.
Според израелската полиција, нападот се случил покрај главниот автопат на периферијата на градот за време на најголемиот сообраќаен метеж.
Surveillance camera footage shows the shooting attack at the entrance to Jerusalem this morning. Two people were killed, and at least seven others were hurt. Two off-duty soldiers and an armed civilian shot the terrorists dead. pic.twitter.com/CwucVb5IV7
— Emanuel (Mannie) Fabian (@manniefabian) November 30, 2023
„Двајца терористи пристигнаа на местото на настанот со возило и почнаа да пукаат на автобуската станица. Тие беа неутрализирани од безбедносните сили и цивилите кои беа во близина“, соопшти полицијата.
Флер Хасан-Нахум, заменик-градоначалникот, рече дека напаѓачите биле застрелани од израелски цивили.