Новак Ѓоковиќ има најмногу Гренд слем титули (24), најмногу АТП 1000 Мастерс титули (40), најмногу недели (412) поминати на врвот на АТП листата, како и рекордни 7 титули од завршниот АТП турнир, но и покрај тоа многумина одбиваат да кажат дека тој е најдобар во историјата.
Но Рафаел Надал во емисијата „Ел Објетиво“ отворено говореше на многу теми, и призна дека популарниот Ноле е број 1.
„Видете, сликата која Ѓоковиќ ја креира е полоша од она што тој навистина е . Новак е добра личност, со одредени грешки како и секој од нас. Тој всушност е многу подобар од она што луѓето го гледаат на неговите мечеви на ТВ“ – вели Надал.
„Го крши рекетот во миг на фрустрација, но веќе следниот поен го игра на 100%. Фрустрациите кај него траат само неколку секунди. Затоа е човекот кој постигна најмногу во историјата на целиот наш спорт“.
На поставено директно прашање дали Новак е најдобар во историјата, Надал одговара: „Бројките така велат, секако дека е . За мене е најдобар по сето тоа што сум го видел“.
„Никогаш не сум имал его да зборувам работи кои не ги чувствувам. Да, можеме да кажеме дека јас бил повреден и сум пропуштил толку и толку Слемови, а тој не пропуштил. Но тој има подобро тело од моето, а и тоа исто така се смета“.