Генералниот секретар на ЛДП, Боби Мојсоски вели дека го виделе соопштението во кое се бара смена на раководството и дека секој има право да искаже мислење во рамки на органите на партијата.
„Согласно соопштението очигледно станува збор за поединци кои го прават сето ова од нивни лични причини и интереси. Партијата ќе одржи наскоро Централен одбор на кој покрај плановите за активности ќе се разговара и за други прашања“, вели Мојсоски.
Што се однесува до евентуалната коалицијата на ЛДП со ВМРО-ДПМНЕ, Мојсоски вели дека сѐ уште е рано да се зборува за локалните избори.
„Во моментот ЛДП е фокусирана на работа со општинските одбори, со детектирање локални проблеми со цел изработка на план и програма. А за тоа како би настапила на изборите сѐ уште има време и тоа се одлуки кои ги носат Извршниот и Централниот одбор на партијата“, вели Мојсоски.
