петок, 18 октомври 2024
Во Хаг

Министерот Лога ја потпиша Хашката конвенција за признавање и извршување на странски пресуди во граѓански и трговски предмети

Објавено на

часот

Сподели

Потпишувањето на Конвенцијата претставува доказ за заложбите на Владата на Македонија за поддршка на активностите кои придонесуваат за подобрување на деловната средина и работењето на компаниите како и стратешките определби на Министерството за правда за унапредување на концептот во областа на прекуграничната соработка во граѓанската и трговската материја, како и повисок степен на усогласеност на националното со европското законодавството како земја-кандидат за членство во Европската Унија, велат од Министерството за правда.

Следниот чекор во однос на  Конвенцијата е спроведување на постапката за ратификација согласно Законот за склучување на ратификација и извршување на меѓународни договори.

л

Македонија е член на Хашката Конференција од 1993 и досега е дел на десет хашки конвенции. Три конвенции и Протоколот кои се потпишани во 2019 година се во постапка на ратификација. Станува збор за:Конвенцијата за надлежност, меродавно право, признавање, извршување и соработка во поглед на родителската одговорност и за мерките за заштита на децата ( од 19.10.1966 година), Конвенцијата за спогодбите за избор на суд (од 30.06.2005 година) и Конвенцијата за меѓународно оставрување на правата за издршка на детето и други облици на издржување на семејството (од 23. 11. 2007) заедно со Протоколот за меродавното право кое ќе се применува на обврските за издршка (од 23.11.2007)

Церемонијата на потпишување се одржа во рамките на регионалниот семинар за Хашката Конвенција за признавање и извршување на странски пресуди од 2019 година со претставници од министерствата за правда и министерствата за надворешни работи од Западен Балкан организиран од проектот за зајакнување на извршувањето на Балканот имплементиран од Центарот за меѓународна правна соработка (CILC).

ТОП ВЕСТИ

ПОСЛЕДНИ ВЕСТИ