Конкуренцијата во нападот на „кралевите“ значително ќе се зголеми, во Мадрид ќе пристигнат Килијан Мбапе и суперталентираниот Ендрик.
Па често се шпекулира дека Родриго би можел да го напушти Реал Мадрид поради тоа што ќе нема загарантирано место во првиот тим, Бразилецот се поврзува со ПСЖ и Манчестер Сити.
Напаѓачот сега доби совет од Предраг Мијатовиќ, кој објасни што го чека доколку се реши за нова авантура.
„Погрешив кога решив да заминам од Реал Мадрид…“ – почна легендата на „кралевите“.
„Играчите не разбираат што имаат во Реал Мадрид. Ќе сфатат само кога повеќе не се дел од клубот“.
„Секогаш сум велел дека е многу тешко да станеш играч на Реал Мадрид, а лесно е да си отидеш. Ќе се налутиш поради нешто, бараш повеќе пари, повеќе минути и ќе се отидеш. Но две недели подоцна… ќе се каеш!“
„Истото ми се случи и мене. Се преселив во Фиренца, многу убав град, но две недели подоцона… Ми фалеше се, од соблекувалната, тренинг центарот, стадионот до градот“.
