„Прв чекор кон намалуваме на даноците, ќе биде оној данок на добивка што се плаќа сега и сите мултинационални компании кои планирааат својата добивка да ја консолидираат овде кај нас, а таа добивка изнесува 50 милиони евра. Плус, ќе добијат би рекол субвенција и начинот на пресметка на таа добивка ќе биде до пет проценти. До сега беше до 10 проценти фиксна, во овој случај ќе биде до 5 проценти“, истакна премиерот Мицкоски.
Тој ги повика сите македонски компании коишто соработуваат со светски мултинационални компании да инвестираат во државата.
„Затоа ги повикувам, ја користам оваа прилика сите македонски компании кои соработуваат со светски мултинационални компании да ги повикаат во Македонија и веднаш откако ова ќе биде изгласано да може да го консолидираат бизнисот, а тоа ќе значи и повеќе ликвидност за македонската економија и повеќе пари по основ данокот на добивка во Буџетот“, изјави премиерот Мицкоски.