Маск го спореди Сорос со еден од главните негативци во стриповите на Марвел – мутантот Магнито, кој е опседнат со идејата за супериорност на мутантите над луѓето. „Тој сака да го уништи самото ткиво на цивилизацијата. Сорос го мрази човештвото“, додаде сопственикот на Твитер.
Вчера на социјалните мрежи почна да се шири веста дека финансиерот Џорџ Сорос починал од срцев удар, која најпрво ја објави блогер на Твитер.
Сепак, Сорос на својот официјален Твитер профил напиша: „Гласините дека сум доживеал срцев удар се целосно лажни, жив сум и здрав“.
Ова не е првпат Сорос да биде „погребен“. Такви пораки понекогаш се појавуваат во медиумите, па во 2013 година Ројтерс и му објави некролог.
Сорос моментално има 92 години. Украинските медиуми пишуваат дека придонесот на Сорос во модерната историја на Украина е тешко да се прецени. Милијардерот работеше не само во САД, туку и со руски олигарси (особено со Михаил Потањин), а соработуваше и со Украинецот Виктор Пинчук. Тој потроши стотици милиони долари за да ги натера медиумите да ги следат светските настани онака како што тој сака“, рече Фокс њуз.
Сорос во Давос рече дека цивилизацијата може да исчезне по рускиот напад на Украина и додаде дека „примирјето е недостижно, бидејќи на Путин не може да му се верува“. Во март 2022 година Сорос напиша статија во која порача дека рускиот напад врз Украина на 24 февруари го означил почетокот на Третата светска војна и дека оваа војна има потенцијал да ја уништи нашата цивилизација.
