„Навистина сакам да ја повикам Русија да му се врати на разумот. Таа има одговорност како постојана членка на Советот за безбедност на ОН“, изјави Макрон за новинарите по самитот на лидерите на Г20 во Рио де Жанеиро.
Макрон оцени дека денес Русија станува сила на „глобална дестабилизација“ и додаде дека го повикал својот кинески колега Си Џинпинг да влијае на Путин.
Рускиот претседател вчера потпиша измена на нуклеарната доктрина, според која конвенционален напад врз Русија од која било земја поддржана од некоја нуклеарна сила ќе се смета за заеднички напад на таа земја и на таа сила врз неговата земја.
Путин потпиша декрет со кој се одобрува таа нова политика на одвраќање на 1.000-тиот ден од почетокот на руската инвазија на Украина на 24 февруари 2022 година.
