Главната пречка за ова е отпорот на локалното население и недовербата на жителите во општините каде што се планирани депониите.
Од граѓанската организација „Го Грин“ предупредуваат дека проектите доцнат и дека државата треба активно да инвестира за да ја добие довербата на граѓаните.
„Локалното население нема доверба дека депониите ќе бидат изградени по стандарди и без негативни влијанија врз животната средина. Важно е да им се покаже на луѓето дека овие проекти ќе донесат придобивки за нив,“ велат тие.
Во 2006 година е донесен Законот за управување со отпад со кој се поставени стандардите за изградба на регионални депонии и модерно управување со отпадот. Во 2010 година беше подготвена рамка за изградба на пет современи депонии во различни региони, но ниту една од нив сè уште не е започната. Од 2012 почна изработката на првите документи и планови. Од Министерството за животна средина најавуваат дека градежните работи ќе почнат кон крајот на 2025 година.
Планирано е во Русино да биде изградена регионална депонија за Полошкиот регион, Дрисла да биде за Скопски регион, Новаци за Југазападен и Пелагониски регион, Добрешинци за Југоисточен и Врадарски регион и Свети Николе за Источен и Североисточен регион.
Од ЕУ предупредуваат дека финансирањето може да биде одземено ако навреме не се почне со изградбата.
Рокот за изградба на депонијата во Свети Николе е 2026 година.
