Покрај Македонија и Естонија, во нашата група се уште и селекциите на Литванија и Словенија. Првопласираните две репрезентации од секоја група ќе се пласираат на Европското првенств, а таму ќе има место и за најдобрите четири третполасирани од осумте квалификациски групи.
Македонија е фаворит во престојните натпревари против Естонија и Литванија, но тоа треба да го покажеме и на терен.
„Искуството ми покажува дека секогаш треба да бидеме внимателни. Ги анализиравме противниците и имаме подготвена стратегија. Не бегаме од фаворитската улога против Естонија, но очекуваме потежок натпревар на гостувањето против Литванија, која е сериозна селекција со ракометна традиција,“ истакна селекторот Кире Лазаров.
Еден од предводниците на селекцијата треба да биде Филип Кузмановски.
„Не потценуваме ниту еден противник. Ова е прв натпревар, го играме дома и се надеваме на голема поддршка од публиката. Ќе одиме чекор по чекор и ќе се бориме за Македонија повторно да се најде на едно големо првенство“, изјави Кузмановски.
По денешниот меч со Естонија, во овој квалификациски прозорец во недела гостуваме кај селекцијата на Литванија.
