недела, 14 јули 2024

Кучињата кои до смрт искасаа дете во Пинтија немале беснило, АХВ чека насоки од ОЈО

Објавено на

часот

Сподели

„Чекаме насоки од Обвинителството, бидејќи тие го водат предметот, за тоа што ќе се прави со кучињата во иднина“, одговориле од АХВ. 

Случајот го води скопското Обвинителство. Оттаму нема јавнообвинителска одлука бидејќи се чека резултат од обдукцијата.

„Надлежниот јавен обвинител го очекува вештиот наод од извршената обдукција и извештајот од Агенцијата за храна и ветеринарство по што ќе донесе јавнообвинителска одлука за натамошниот тек на постапката“, велат од Обвинителството. 

Трагедијата во скопска Пинтија се случи на почетокот од април. Неофицијално, детето влегло во дворот на комшијата, а со кучињата си играло и во минатото. Било изгризано за вратот, од каде имало обилно крварење. На настанот имало и сведоци.

Кучињата се идентификувани со микрочип и тие и натаму се изолирани. Дворот во кој се чуваат кучињата е соодветно заграден и на влезот е поставен предупредувачки знак „пази куче“, соопшти АХВ по трагедијата.

ТОП ВЕСТИ

ПОСЛЕДНИ ВЕСТИ