На прашањето дали Крим е дел од Украина или не, кинескиот амбасадор Лу Шаје во петокот изјави за француската телевизија дека Крим е дел од Русија и дека поранешниот советски лидер Никита Хрушчов и го понудил на Украина. „Земјите од поранешниот СССР немаат вистински статус во меѓународното право, бидејќи не постои меѓународен договор со кој се материјализира нивниот суверен статус“, додаде Шаје.
Lu Shaye, China’s ambassador to France, repeated Russian propaganda narratives on LCI channel. He called Crimea “originally Russian” and declared that ex-USSR countries “don’t have an effective status in international law”.
Waiting for Beijing’s official reaction. Is it a… pic.twitter.com/A5yfdDX2nb
— Anton Gerashchenko (@Gerashchenko_en) April 23, 2023
Франција одговори во неделата изразувајќи „целосна солидарност“ со сите погодени сојузнички земји за кои рече дека ја стекнале својата независност „по децении угнетување“.
„Конкретно, Украина беше меѓународно признаена во нејзините граници, вклучувајќи го и Крим, во 1991 година. Таа беше признаена од целата меѓународна заедница, вклучително и Кина“, изјави портпаролот на француското Министерство за надворешни работи.
Портпаролот додаде дека официјален Пекинг ќе мора да разјасни дали овие коментари го одразуваат ставот на целата земја или не. Трите балтички држави, кои беа дел од Советскиот Сојуз, реагираа на ист начин како и Франција. Кинеското Министерство за надворешни работи не одговори веднаш на барањето на Ројтерс за коментар.
