„Протекување на гас предизвика експлозија во ресторан за скара“, соопшти агенцијата, цитирајќи го регионалниот комитет на Комунистичката партија на Кина.
Седум повредени се во болница, а едно лице е во критична состојба.
Експлозијата се случила околу 20 часот и 40 минути по локално време во ресторан во станбена зона во центарот на Џинчуан.
Полицијата приведе девет лица по експлозијата, вклучително и сопственикот, акционерите и персоналот на ресторанот, а нивните средства се замрзнати, објави КЦТВ.
Меѓу настраданите има средношколци и пензионери.
Претседателот Си Џинпинг повика „што е можно поскоро да се утврдат причините за несреќата и релевантните лица да одговараат во согласност со законот“, соопшти новинската агенција.
Министерството за управување со вонредни состојби соопшти дека локалните противпожарни и спасувачки служби испратиле повеќе од 100 луѓе и 20 возила на местото на настанот по експлозијата.
Експлозиите и други слични смртоносни инциденти се релативно вообичаени во Кина, каде што градежните правила често се спроведуваат слабо, а широко распространетата неовластена градба може да ѝм отежне на луѓето да избегаат од зградите што горат.
