Тој за ТВ21 изјави дека разговорите со компанијата „Бехтел и Енка“ одат во вистинска насока и дека очекува изградбата на коридорот 8 да продолжи.
Касами исто така рече дека актуелниот министер за транспорт, Александар Николоски и директорот на сегашните Државни патишта, Коце Трајановски, ќе дадат дополнителни информации за овој проект, а поранешниот вицепремиер Артан Груби и поранешниот директор на Државни патишта треба да одговараат за активностите поврзани со овој проект.
„И во однос на коридорот 8 гарантираме дека сите разговори со Бехтел и Енка одат кон решавање на сите проблеми, дека динамиката на реализација на работите на терен е според договореното, бидејќи она што претходно го кажавме, ја алармиравме јавноста и секако дека директорот и министерот наскоро ќе излезат со уште подетален извештај дека ДУИ на чело со Артан Груби и директорот Ејуп Рустеми направиле работи за кои најверојатно ќе треба да одговараат“, изјави Касами.