Податоците за 2023 година досега не ѝ беа познати на јавноста, забележува Ројтерс. Во декември испораките достигнаа нов месечен рекорд од 11,1 милијарди кубни метри, со стабилно производство, достапност на преработувачките капацитети и стабилна побарувачка.
„Декември беше фантастичен за производство на норвешкиот епиконтинентален појас“, изјави за Ројтерс Алфред Скаар Хансен, потпретседател на Гаско за операции на системот. Епиконтиненталниот појас ги опфаќа морското дно и подземјето надвор од територијалното море.
Во 2022 година Норвешка ја претекна Русија и стана главен снабдувач на гас во Европа. Гаско најави пообемни работи за одржување во 2023 година, кои една година порано беа одложени за да се обезбеди максимално искористување на капацитетот на мрежата и извозните терминали.
Во такви услови, снабдувањето со гасоводи за Европа падна за 6,4 отсто во периодот од јануари до август, а во септември производството падна на најниско ниво во последните четири години.
