недела, 21 јули 2024

Израелската војска врзала повреден Палестинец за возило (ВИДЕО)

Војската на Израел соопшти дека нејзините сили го прекршиле протоколот со врзување ранет Палестинец за предниот дел од нивното возило за време на рација во градот Џенин на Западниот Брег.

Скриншот

Објавено на

часот

Сподели

Израелските одбранбени сили (ИДФ) го потврдија инцидентот откако беше снимен и споделен на социјалните мрежи. Во соопштението на ИДФ се вели дека мажот бил ранет во размена на оган за време на рација, во која бил и осомничениот.

Семејството на повредениот изјави дека кога повикале итна помош, војниците го однеле мажот, го врзале за хаубата на својот џип и се оддалечиле.

Лицето на крај било пренесено на лекување во Црвената полумесечина. ИДФ најави дека инцидентот ќе се истражува.

Очевидци што разговарале со новинската агенција Ројтерс го идентификуваа човекот како локален жител по име Муџахед Азми.

„Утрово, за време на контратерористичките операции насочени кон фаќање барани осомничени во областа Вади Буркин, терористите отворија оган врз војниците на ИДФ, кои возвратија со оган“, се вели во соопштението на ИДФ.

„За време на размената на оган еден од осомничените е ранет и заробен“, додаваат оттаму.

„Спротивно на наредбите и стандардните оперативни процедури, осомничениот бил врзан за возилото од војската. Однесувањето на војниците прикажано на видеото од инцидентот не е во согласност со вредностите на ИДФ. Инцидентот ќе биде истражен и соодветно третиран“, се вели во соопштението на ИДФ.

ОН соопштија дека најмалку 480 Палестинци – членови на вооружени групи, напаѓачи и цивили – се убиени во инциденти поврзани со конфликти на Западниот Брег, вклучувајќи го и Источен Ерусалим.

Десет Израелци, меѓу кои шест припадници на безбедносните сили, беа убиени на Западниот Брег.

ТОП ВЕСТИ

ПОСЛЕДНИ ВЕСТИ