Телата на извлечените жртви им припаѓаат на четворица војници и на 56-годишна воспитувачка во градинка, убиени по нападот на кибуц Нир Оз, кој се најде на мета на смртоносниот поход на Хамас во јужен Израел, што беше поттик за разорната војна во Газа.
Нивните тела беа извлечени од областа Кан Јунис во јужна Газа, каде израелските сили започнаа нови рации оваа недела.
During an IDF operation led by ISA field analysts and coordinators, the bodies of the murdered hostage Maya Goren, and of the fallen soldiers held captive MSG (Res.) Oren Goldin, SSGT Tomer Ahimas, SGT Kiril Brodski and SGM (Res.) Ravid Aryeh Katz were rescued from the Khan Yunis… pic.twitter.com/UEQ2B4WCPa
— Israel Defense Forces (@IDF) July 25, 2024
Пронајдените заложници припаѓаат на група од 120 луѓе кои сè уште се држат во заробеништво во Газа. Третина од нив се прогласени за мртви во отсуство од страна на Израел, врз основа на форензички наоди, разузнавачки информации, испрашувања на заробени милитанти, видео снимки и сведочења на ослободените заложници.
Израелскиот премиер Бенјамин Нетанјаху во обраќањето пред американскиот Конгрес рече дека неговата влада е вклучена во интензивни напори за ослободување на преостанатите заложници. Тој е убеден дека овие напори ќе бидат успешни.
Израелска делегација следната недела, со посредство на САД, Египет и Катар ќе учествува во преговори за обезбедување прекин на огнот во Газа и ослободување на заложниците, изјави израелски претставник.
Хамас сака договор за прекин на огнот за да се стави крај на војната во Газа. Но, Нетанјаху вели дека војната не може да заврши пред Хамас да биде поразен.
