недела, 14 јули 2024

Израел доби американска безбедносна помош од 6,5 милијарди долари од почетокот на војната

Израел доби американска безбедносна помош во вредност од 6,5 милијарди долари од 7 октомври минатата година, кога започна војната против исламистичкиот Хамас, пренесе денеска Вашингтон пост.

Епа

Објавено на

часот

Сподели

Во извештајот на весникот се наведува дека речиси половина од оваа помош е добиена во мај, седум месеци по почетокот на војната во Појасот Газа.

Неименуван претставник на американската администрација рече дека нивото на помош сугерира колку се длабоки и сложени односите на земјата со Израел.

„Тоа е голем потфат и ништо не е запрено освен една испорака“, рече функционерот, очигледно мислејќи на пратката која вклучуваше бомби од 900 килограми, замрзната на почетокот на мај, кога американскиот претседател Џозеф Бајден предупреди на дополнителни одложувања во спротивставувањето на намерата на Израел да започне офанзива во Рафа.

Во тој град на југот на Газа, повеќе од милион луѓе се засолниле од конфликтот во други делови на палестинската територија.

Помошта беше тема на разговорите меѓу израелскиот министер за одбрана Јоав Галант и американски официјални претставници оваа недела за време на неговата посета на Вашингтон.

Израелскиот премиер Бенјамин Нетанјаху минатата недела изјави дека администрацијата на американскиот претседател Џозеф Бајден ја забавува воената помош за неговата земја, потсетуваат израелските медиуми.

Официјалниот претставник рече дека во обид да ги негираат тие обвинувања за забавување на испораката на оружје од САД, експертите разгледале илјадници одделни случаи со колегите кои го придружувале Галант.

Целта на посетата на израелскиот министер беше делумно да се изедначат сè позатегнатите односи меѓу двете сојузнички земји и да се прикаже различниот однос на Израел кон американската помош, забележува Вашингтон пост.

Галант се состана со американскиот државен секретар Ентони Блинкен, министерот за одбрана Лојд Остин и советникот за национална безбедност на Белата куќа, Џејк Саливан.

Министерот потврди дека е постигнат напредок во забрзувањето на испораката на воената помош, но израелските медиуми јавуваат дека испораката на бомби сѐ уште е запрена.

ТОП ВЕСТИ

ПОСЛЕДНИ ВЕСТИ