Во близина на пожарот се наоѓа бензинска пумпа, па беше неопходна брза интеревенција на противпожарните служби. Причинета е голема материјална штета, но нема повредени пожарникари или жители во опожарените куќи.
Според мештаните, причина за пожарот е спој на каблите кои пренесуваат струја од бандера на бандера. Тоа и порано се случувало, велат тие.
„Дуваше ветер и искрата дојде од каблите кои поминуваат тука и веднаш заврши во мојата плевна. Ова се случува веќе трет пат. Успеав да го извадам коњот и притоа ми помогнаа мои другари. Ми изгореа околу 200 бали сено“, изјави сопственикот на една од плевните.