Министерот за внатрешни работи Матео Пиантедоси и министерот за спорт Андреа Абоди потпишаа декларација во проектот за борба против величење на нацизмот и антисемитизмот кој уште е присутен на Апенините. Донесени се 13 правила меѓу кои се забранува користење на бројот 88.
Покрај двајцата министри, потписници на декларацијата се и Џузепе Пекораро, националниот координатор за борба против антисемитизмот и првиот човек на италијанскиот фудбал, Габриеле Гарвина.
Бројот 88 се забранува затоа што го симболизира нацистичкиот поздрав „хајл Хитлер“. Осмата буква од абецедата е „Х“. Забраната не се однесува само на спортистите туку и на навивачите кои главно со профашистички ориентирани и често го употребуваат овој број. Минатата сезона навивачи на Лацио предизвикаа лавина реакции откако го носеа бројот 88, а над него пишуваше Хитлерсон.
Двајца фудбалери од Серија А за следната сезона ќе треба да ги променат броевите, тоа се Марио Пашалиќ и Томас Ринкон, тие имаа 88 број на дрес. Забраната не се однесува само на Серија А туку на сите фудбалски лиги.
