Интер ќе ја заврши годината како лидер, „нероаѕурите“ со 2-0 го совладаа Лече и останаа на +4 во однос на Јувентус.
Резултатот беше отворен во финишот на првото полувреме, Јан Бисек одлично се снајде по еден прекин и со глава го постигна својот деби гол во калчото за 1-0.
Победникот беше решен во 78. минута, Арнаутовиќ атрактивно со пета го проигра Барела, кој рутински реализираше за 2-0.
Овој резултат значеше и големо постигнување за Симоне Инзаги, под негово водство за прв пат во својата историја Интер (под водство на еден тренер) постигнува гол на 25 натпревари во низа.
На вториот натпревар од 18 часот, Верона со 2-0 го совлада Каљари.