петок, 19 јули 2024

Информатички стручњаци се натпреваруваат меѓу себе и учат како да се справат со компјутерските напади

Објавено на

часот

Сподели

Натпреварот се одржува во рамки на тридневната Регионална вежба за сајбер безбедност.

Вежбата е организирана со поддршка на естонската „e-Governance Academy“, во рамки на проект на Европската Унија, а се одвива на три локации: Скопје, Тирана и Подгорица, соопшти владината прес-служба.

Вежбите имаат за цел да обучат сеопфатни вештини за сајбер капацитети на техничко ниво, да ја подобрат отпорноста и експертизата на јавните институции, како и да ја подигнат свеста на менаџерско ниво за ефектите што може да ги предизвикаат сајбер инцидентите.

Вицепремиерката Грковска ја поздрави посветеноста на овие млади луѓе, кои во процесот на подготовка и реализација на вежбата пристапија целосно професионално и со желба да бидат најдобри.

„Сајбер безбедноста и сајбер отпорноста на државата е еден од најголемите предизвици на денешнината и токму затоа професионалниот напредок, јакнење на капацитетите и градење на кадар кој ќе може ефикасно да се справува со ваквите напади мора да биде приоритет на државата“, додаде Грковска.

Програмата се состои од три дела која опфаќа еднодневна онлајн вежба од типот „Освој го знамето“, потоа еднодневна обука за запознавање на околината за вежбата, по што следува дводневна вежба „Жив Оган“, што е формат за вежби на „црвени тимови“ наспроти „сини тимови“, чија цел е на едно место да собере различни засегнати страни за симулирање сајбер инцидент од големи размери.

 

ТОП ВЕСТИ

ПОСЛЕДНИ ВЕСТИ