„Ова е целосно беззаконие“, порача Маск на социјалната мрежа Икс.
Претходно Сакс напиша дека администрацијата на американскиот претседател Џо Бајден можела да го врати Гонзало Лира со еден телефонски повик, меѓутоа не мрднале со прст.
„Затоа украинската влада знаела дека може да постапува неказнето. Сепак, да се убие американски државјанин во притвор претставува дрскост на разбојнички и несигурен режим“, напиша Сакс.
The Biden administration could have gotten Gonzalo Lira back with a phone call but didn't lift a finger. Therefore the Ukrainian government knew it could act with impunity. Still, the sheer brazenness to kill an American citizen in custody reveals a thuggish and unmoored regime.
— David Sacks (@DavidSacks) January 12, 2024
Претходно американскиот водител и коментатор Такер Карлсон озвести дека американскиот новинар Гонзало Лира, кој претходно ги критикуваше и украинскиот претседател Володимир Зеленски и неговиот американски колега Џо Бајден, починал во украински затвор „по мачење и тешка болест“.
Карлсон ја објави оваа информација повикувајќи се на таткото на Лира. Според него, новинарот бил држен во изолација повеќе од осум месеци, а американската амбасада во Украина не направила ништо за да му помогне.