Како што пренесува порталот Њуараб, се разговара за неколку потенцијални наследници, меѓу нив најистакнат е Калед Мешал, кој беше лидер на групата пред 2017 година.
Друг потенцијален кандидат за раководство на Хамас е Калил Ал Хаја, кој е на позицијата заменик-претседател на регионалното политичко биро на Хамас во Газа, кој претходно одигра клучна улога во преговорите за ставање крај на израелскиот напад врз Газа во 2014 година.
Се споменува и Муса Абу Марзук, кој е едно од најпознатите лица на Хамас и кој беше заменик-претседател на политичкото биро на Хамас од 1997 до 2014 година, пред тоа 14 години живеел во САД.
Исмаил Ханија беше убиен во средата во Техеран, а Хамас и Иран најавија одмазда против Израел, кој го обвинуваат за нападот.
Лидерот на Хамас беше погребан во петокот во Катар, откако претходниот ден во Техеран беше одржана погребна церемонија.
