„Пожарот избувнал најверојатно од грилот од скарата. Интервенирано е со 15 пожарникари и 4 противпожарни возила, а дополнително е побарана помош во пожарникари и возила од ТППЕ Виница, Кочани Струмица и Доброволно друштво Пехчево. Пожарот е локализиран, дел од летната тераса е зафатен, не е дозволено пожарот да се префрли на собите. Има голема материјална штета, изјави командирот на ТППЕ Берово, Сашко Руменовски.
Во близина на комплексот се наоѓа женскиот манастир кој не бил зафатен од пожарот. Екипи на ТППЕ Берово дежураа на местото на избувнатиот пожар и во текот на ноќта.
