Бремер се повреди на вчерашниот меч против Лајпциг, од игра беше изваден уште во шестата минута од натпреварот. Во Јувентус веднаш се посомневаа дека се работи за лигаментите, а тоа беше потврдено сега, по деталните медицински тестови.
Јувентус преку соопштение потврди дека Бремер ги повредил лигаментите и за него сезоната е завршена.
Тој е најдобриот дефанзивец во Јувентус, командува со одбраната на Старата Дама која уште нема примено гол во Серија А.
Ова ќе биде голем удар за тимот на Тијаго Мота.
