На Олимписките игри во Париз се одржа можеби последната мегапресметка меѓу Новак Ѓоковиќ и Рафаел Надал.
Српскиот тенисер го покажа тоа што на сите им беше јасно, дека е во подобра форма од Шпанецот.
Малку фалеше првиот сет да го добие со нула, но при 5-0 Рафаел Надал доби еден гејм, па Ѓоковиќ го доби сетот со 6-1.
Во вториот сет шпанскиот тениски ас играше многу подобро, се бореше порамноправно, беше 4-4 кога Србинот освои два последователни гема и дојде до триумф од 6-4.
Во осминафиналето Ѓоковиќ ќе игра со победникот од дуелот меѓу Копфер и Арналди.
