На снимката од пречекот се гледа црвен тепих, воена почесна стража, Штајнмаер на вратата на авионот и германскиот амбасадор во Катар Лотар Фрајшладер. Единствениот проблем е што ниеден катарски функционер не дошол да го пречека германскиот претседател.
BREAKING:
??Another slap in the face for Germany
President of Germany Frank-Walter Steinmeier doesn’t look happy as he waits around for the non-existent welcome delegation in Doha, Qatar.
It seems that the Qataris wanted to talk to the main boss from the US, not some of their… pic.twitter.com/zapP9BVxUD
— Megatron (@Megatron_ron) November 30, 2023
Авионот ербас А35 на Бундесверот слетал на пистата пред договорениот термин па Штајнмаер чекал на сонце речиси половина час пред да го прими Султан ал Мурачаи, катарскиот министер за надворешни работи.
И покрај чекањето, Штајнмаер заминал од аеродромот на време за својата средба со катарскиот емир, шеикот Тамим бин Хамад ал Тани.
Во авионот со Штајнмаер била и новинарката на Дојче веле Розалија Романиек. Таа прашува дали е направена грешка со планирањето или катарските власти го заладиле својот однос кон Германија откако Штајнмаер во Израел минал три дена, две ноќи во Оман, и само три часа во Доха.
Во Германија влијанието на Доха на војната на Израел против Хамас се смета за контроверзно бидејќи во Катар се наоѓаат лидерите на политичкото крило на Хамас. Неодамна германската министерка за надворешни работи Аналена Бербок предизвика гнев во Доха со своите изјави.
