Поранешната ракометарка на Вардар, Ања Алтхаус сега работи во машката македонска репрезентација како медиа менаџер, таа е задолжена за комуникација со медиумите.
За германскиот весник „Билд“, Алтхаус вели дека иако е Германка, горда е што е дел од македонската репрезентација и вечерва нема дилеми за кој ќе навива.
„Навистина е посебно да се биде од македонската страна и да се игра против Германија. Се разбира, како член на македонската репрезентација, 100 проценти ќе навивам за Македонија“, вели Алтхаус.
Таа е во врска со еден од репрезентативците, Томислав Јагуриновски.
„Се однесуваме многу професионално. Сите знаат дека со Томи веќе подолг период сме во врска“.