Во споредба со минатата година, износот е поголем за 40 отсто, што ја одразува двојно поголемата вредност на испораките во Украина од дури 4,15 милијарди евра. Речиси 90 отсто од извезеното оружје и воена опрема оваа година биле испорачани во други членки на ЕУ и НАТО, Украина и земји како Јапонија, Австралија и Јужна Кореја.
Владата даде зелено светло и за извоз во вредност од 1,18 милијарди евра на група трети земји како Израел, Обединетите Арапски Емирати и Саудиска Арабија.
Испораките во Израел годинава се зголемија за десет пати и достигнаа 323,2 милиони евра. Владата издаде најголем дел од над 200 извозни дозволи по упадот на палестинската милитантна група Хамас на 7 октомври на израелска територија, забележува дпа.