Човекот наводно планирал да го разнесе автомобилот на Аксјонов, но бил фатен додека ја извлекувал бомбата од скривалиште. ФСБ отвори кривична постапка според членовите за обид за терористички напад и нелегално набавување на експлозиви. Тие тврдат дека осомничениот го признал делото, пренесува руската државна новинска агенција РИА.
Во мај, исто така, имаше извештаи за спречена серија терористички напади на Крим насочени, меѓу другите, на Аксјонов, на претседателот на парламентот Владимир Константинов и на градоначалничката на Јалта, Јанина Павленко. ФСБ тогаш го обвини Роман Машовец, заменик-шефот на кабинетот на Володомир Зеленски, дека е директен организатор на терористичките напади.
ФСБ објави и видео од сослушувањето во кое уапсениот признава дека планирал да го разнесе автомобилот во време кога поминувала поворката на Аксонов. „Во декември 2022 година бев регрутиран од специјалната служба на Украина и кураторот Игор, добив повик и на полигон поминав обука за субверзивна работа, маскирање, избегнување прогон и слично“, вели осомничениот.
Russia’s FSB says it stopped an assassination attempt on Russian-installed head of Crimea Sergey Aksyonov, organized by the Ukrainian special services.
“A Russian citizen was detained, who was recruited by the SBU and who was trained in Ukraine in mine-explosive business.” pic.twitter.com/ftjtumL7XA
— Clash Report (@clashreport) July 3, 2023
„Добив задача да одам на Крим, во Симферопол. За почеток, требаше да изнајмам куќа, да купам телефон, да се вработам. Секој ден контактирав со Игор, чекајќи дополнителни инструкции. Ја чекав адресата каде беше лоциран автомобилот за да поставам мина таму, за подоцна да можев да го поставам овој автомобил на улицата Севастополскаја за да ја разнесам поворката на Сергеј Аксјонов Валериевич“, додаде тој.