Фиорентина го победи Милан со 2-1, на натпреварот беа досудени три пенали и не беа реализирани. Давид де Хеа одбрани удари на Тео Ернандез и Тами Абрахам.
„Јас кој го сака фудбалот, не сакам да бидам дел од овој циркус. Сега се е пенал, без разлика дали е за нас или против нас. Ова не е фудбал кога се свири пенал за најситниот допир. Не сакам да бидам дел од тоа“, рече лутиот Фонсека.
Тој смета дека на неговиот тим му недостасувала агресивност на мечот.
„Не е до системот, до сега функционираше. Не дека Фиорентина креираше многу шанси, нам ни недостасуваше агресивност. Тактиката не беше погрешна, проблемот беше што не бевме агресивни во одбраната и нападот“.
„Кога ќе промашите два пенали, тешко е да победите, без разлика колку шанси сте создале. Исто мислам дека и центаршутевите во шеснаесетникот не беа доволно квалитетни“.
