Белорусија е близок руски сојузник, и таа ја даде својата поддршка за Путин.
Советот за безбедност на Белорусија објави денеска дека Минск останува сојузник на Русија и дека внатрешните спорови се „подарок за колективниот Запад“.
Иран објави дека го поддржува владеењето на правото во Руската Федерација и смета дека последните случувања таму се внатрешно руско прашање.
Лидерот на групата Вагнер, Јевгениј Пригожин, кој во последните месеци постојано го критикуваше министерот за одбрана Сергеј Шојгу, најави дека неговите сили тргнуваат на „марш за правда“ кон руската престолнина.
Во меѓувреме, неговите сили ги зазедоа Ростов на Дон и Воронеж и напредуваат кон Москва, при што силите лојални на сегашната руска влада се насочени ко конвојот Вагнер.
