До судирот дојде откако ескалираа тензиите меѓу војската и Силите за брза поддршка (РСФ), што доведе до одложување на потпишувањето на договорот за повторно започнување на демократизацијата на Судан.
Договорот требаше да ја обнови демократската транзиција и да го врати Судан во статус кво пред државниот удар во октомври 2021 година.
РСФ утринава соопшти дека суданската армија ги нападнала нејзините сили во една од воените бази во Јужен Картум, пренесува Асошиејтед прес.
Во соопштението се наведува дека војската ја нападнала базата со лесно и тешко оружје. Армијата соопшти дека борците на РСФ се обидуваат да го заземат штабот на армијата.
„Борците на силите за брза поддршка нападнаа неколку воени кампови во Картум и на други места низ Судан“, АФП го цитираше бригадниот генерал Набил Абдалах.
تدمير مقر قيادة قوات الدعم السريع المتمردة
النصر لنا – حسم المعركة #تمرد_اولاد_دقلو pic.twitter.com/Kk26vxvJTE— يوميات المارشال (@proudSud) April 15, 2023
Се чини дека најпроблематичното прашање е како да се интегрираат Силите за брза поддршка (РСФ), кои главно се состојат од поранешни полицајци, во владините трупи.
Во заднина е борбата за власт која ги дели највисоките лидери, генералот Бурхане и неговиот заменик Мохамед Хамдан Дагло, познат како „Хемети“, шефот на ФСР.
ФСР, составена од припадници на полицијата на Џанџавид, обвинети за злосторства за време на долгата и смртоносна војна која започна во 2003 година во Дарфур, западен Судан, ФСР е обвинет и дека бил вклучен во задушувањето на бунтот против диктаторот Омар ал-Башир кон крајот на 2018 година, што кулминираше со неговото соборување во април 2019 година.
