Процесот го водеше судијата Осман Шабани, а застапник на обвинението беше јавниот обвинител Стевчо Дончев кој најави жалба до Апелацискиот суд во Скопје. Овој предмет е во судска процедура речиси шест години, и неколку пати до сега почнуваше од почеток.
Според обвинението, пред да се објави оглас за доделување договор за јавна набавка и пред да се спроведе постапката, спротивно на Законот за јавните набавки пред да се донесе одлуката за потребата од јавна набавка, Канческа-Милевска преку разговори со генералниот директор на градежното претпријатие „Бетон“ од Штип наложила да се продолжи со работа на Музејот, каде што се изведувале градежни работи по претходно склучен договор за јавна набавка.
