На средбата, како што соопштија од министерството, Муцунски ја истакнал важноста од продлабочување на билатералните врски со овие земји и можноста од нивно резидентно дипломатско присуство, што би овозможило подиректна и поефикасна комуникација.
Муцунски го нагласил огромниот потенцијал за унапредување на економската соработка со земјите претставени на состанокот со фокус на потенцијалот за зголемување на трговската размена, директните инвестиции и економски партнерства во различни сектори.
„Во тој контекст, акцентот беше ставен на енергетиката, инфраструктурата, прехранбената индустрија, информатичката технологија и автомобилската индустрија. При тоа, стана збор и за интензивирање на соработката во областите на културата, науката, образованието и туризмот. Дополнително, беше истакната заемната заложба за поблиска соработка на меѓународните форуми, особено при справување со заеднички глобални случувања и предизвици“, наведуваат од миинистерството.
Средбата, како што се истакнвуа, била одлична можност за потврдување на важноста од градење на партнерства и се поставила солидна основа за продлабочена соработка меѓу нашата држава и земјите присутни на состанокот преку нивните амбасадори.
