Дарманен на социјалната мрежа Икс напиша дека во неделата во местото Сен Маритим е уапсен ултралевичарски активист, под сомнение дека извршил саботажа на железницата.
Уапсеното лице во моментот на апсењето било на железницата, а наводно ги имало клучевите од техничките простории на железницата, алати и левичарска литература, пренесе АФП повикувајќи се на полициски извори.
Министерот за внатрешни работи рече дека методите што ги користеле саботерите носат белег на екстремни левичари и дека досега се идентификувани профили на неколку лица.
Француските ултра брзи ТГВ-возови сообраќаат редовно од понеделникот, откако сообраќајот беше во прекин цел викенд бидејќи саботери ги запалија оптичките кабли на брзата железница.
Sabotage du réseau SNCF : un militant d'ultragauche interpellé dimanche sur un site de Seine-Maritimehttps://t.co/agGlvBTRv0
— Gérald DARMANIN (@GDarmanin) July 29, 2024
Дарманен рече дека 50 дронови, 250 железнички агенти и 1.000 работници се испратени на железницата за да се зајакне безбедноста на 28.000 километри долгата мрежа на брзата железница.
Тој потврди и дека се уапсени 45 члена на еколошката организација „Екстинкшн ребелион“ (Extinction Rebellion).
