Од ДУИ тврдат дека поседуваат фотографии од кандидатот Ардијан Демири кои го покажуваат неговото политичко-партиско делување во Демократското движење на Изет Меџити.
„Сите јавни настапи на Демири го прават недостоен да носи толку важна функција. Додека другиот кандидат, исто така член и поддржувач на Вреди, Ведат Салихи, не ги исполнува условите за работен стаж согласно законот и по завршувањето на конкурсот достави дополнителни документи. Вреди не го интересира ниту Европа, ниту владеењето на правото, ниту реформите, туку само партизацијата на судството и институциите за да им служи на нивните коруптивни апетити“, тврдат од ДУИ.
Од партијата велат дека ги алармираше пратениците, граѓанскиот сектор, медиумите и меѓународната заедница за начинот на размислување на челниците на Вреди да ги партизираат судството и обвинителството со партиски експоненти.
„’Заробената држава’ никогаш не треба да се повтори и ја повикуваме Европската Унија да реагира кај власта без етнички легитимитет и кај Собранието за овие постапки кои нè оддалечуваат од Европа и европските вредности“, се наведува во соопштението на ДУИ.
