„Вреди, срамните вазали на ВМРО-ДПМНЕ и избраници на Мицкоски, а отфрлени од Албанците, откако министерството за имплементација на Охридскиот договор им го предадоа на путиновиот Стоилковиќ и на ѕинго – Димовски и откако заменија сè албанско со македонско намалувајќи ја и правичната застапеност, веќе почнаа да го подготвуваат јавното мислење за да ги дадат Кичево и Струга.
Тука ги поминавте црвените линии и ќе се соочите со отпорот на народот и на секој Албанец. Ова е сериозно нарушување на достигнувањата и достоинството на Албанците и таквиот чекор нема да помине без силен одговор. Ќе останеме обединети и решени да ги заштитиме интересите и достоинството на албанскиот народ“, се вели во реакцијата на ДУИ.
