Суданската војска соопшти дека авионот безбедно слетал, и дека се работи на неговата поправка.
Во Судан од 15 април траат борбите меѓу суданската армија и паравоените Сили за брзо реагирање (РСФ). Судирот изби меѓу единици лојални на суданскиот воен лидер Абдел Фатах ал Бурхан и РСФ кои ги предводи Мохамед Хамдан Дагал, познат како Хемети.
Нивната борба за власт оневозможува преминување на цивилна власт и предизвикува страв од нова граѓанска војна.
Досега во Судан се убиени најмалку 500 луѓе, а ранети се повеќе од 4.000. Светската здравствена организација стравува дека бројот на мртвите е значително поголем.
