Во писмото испратено од Џафери до лидерите на албанските опозициски партии се вели дека најдоцна до 18 декември 2023 година до 16:30 часот треба писмено да му достават предлог за член на ДИК од доставената листа.
„Во прилог ви го доставувам Извештајот на Комисијата за прашања на изборите и именувањата. Истовремено ве известувам дека согласно Изборниот законик во рок од три дена од денот на приемот на ова известување, најдоцна до 18 декември 2023 година до 16:30 часот, потребно е писмено да ми доставите предлог за член на Државната изборна комисија од листата доставена во прилог на Извештајот,“ се вели во писмото на Џафери.
Комисијата за прашања на изборите и именувањата утврди листа со пет кандидати од кои треба да се избере член на ДИК и тоа – Беат Даути, дипломиран правник, Абдуш Демири, економист, Роберт Трајковски и Зулфи Адили.
По утврдувањето на кандидатот, за него треба да се гласа на седница на Собранието.
По именувањето на Кренар Лога за министер за правда ДИК остана со еден член помалку.
