Ангела Мојсовска се закити со бронза во категоријата под 68 килограми. Петар Заборски (-75 кг.) и Данило Божовиќ (+84 кг) ќе се борат за златен медал. Стефан Стојановиќ не успеа да се пласира во финале, а неговата борба за трето место заврши со 1-1. Како резултат на правилото за прв земен поен, Стојановиќ на крајот се пласира на петтата позиција.
Мојсовска бронзата ја освои со победа над Маница Бриана од Романија со 10-2. Во претходните соочувања, таа ги оствари следните резултати против: Ана Марија Равлиќ (Хрватска) 1-0; Рената Арабли (Азербејџан) 9-1; Маделина Скротер (Германија) 1-9.
На патот до финалето, Петар Заборски ги оствари следните резултати против: Рафаело Ди Гиола (Швајцарија) 5-0; Тамас Акс (Унгарија) 8-0; Гонцало Феитас (Португалија) 3-0; Сасу Ндао (Франција) 1-0. Членот на „Макпетрол“ во финалната борба ќе се соочи со Тим Стеинер од Германија.
Данило Божовиќ, кој, исто така, ќе се бори за злато, ги оствари следните резултати против: Јахум Тимавски (Словачка) 4-3; Немања Јововиќ (Црна Гора) 4-1; Осман Османли (Турција) 5-1. Во финалето Божовиќ ќе се бори со Томас Коса.